多謝雄叔叔指教😊相信很快會再合作🤝
香港Joker
以前睇香港電影，有好多大惡人都非常之深入民心，成奎安、黃光亮、黃子揚仲有張耀揚等等，睇佢哋戲入面個樣真係非常得人驚，雄叔叔有時喺戲外一齊傾偈時都覺得佢哋係壞人，演壞人嘅功力可想而知。
到咗今時今日，呢一類大惡人嘅演員已經買少見少，令雄叔叔第一個諗起嘅，一定係張建聲。張建聲喺「反黑」入面個招積有幾奸，大家都唔使雄叔叔講，不過喺反黑之前，其實阿聲喺「壹獄壹世界」呢度電影入面，都做過一個大肥佬嘅角色，呢一套電影入面佢增肥五十磅，再做到惡形惡相咁，雄叔叔望住佢嘅演出，又真係要再讚一讚自己。
無錯呀，早喺呢一大堆成名作之前，雄叔叔已經搵過張建聲拍戲，嘿嘿。當年阿聲都仲係一個模特兒，雄叔叔已經邀請佢拍我最愛嘅少女系列之一「囡囡」，雖然呢套電影係女角為主，但阿聲當時嘅表現都唔算太差，雄叔叔一直將阿聲嘅演出重組一次，更加發現呢個演員，百變先係佢嘅武器。
阿聲成日都同雄叔叔講，自己起步可能無其他人咁早，所以唯有加把勁去做。遇到好角色，劇本一到就消化自己角色，消化完如果戲入面有造型上嘅配合，增肥又好見骨又好，阿聲一句就開始準備，無論過程幾辛苦都好，佢都知道自己目標喺邊。
所以雄叔叔最近都同阿聲合作咗了新戲「逃出行動」同電視劇「好人好姐」幾部作品，我們還在現場度了一個故仔，也是雄叔叔想拍了很久的題材，哈哈！假以時日雄叔叔仲有乜嘢適合阿聲嘅，一定會再有合作。香港電影需要標誌性嘅人物，大奸大惡嘅代表人物，肯定會係張建聲。
本地製作有限公司 雄叔叔 Old School 張建聲
Search